Ar Breizh a Gan, o genlabourat gant kengevredad Kenleur, festival bras al lazoù-kanañ e brezhoneg o c’hoarvezout bep bloaz da vare kentañ sul miz Kerzu abaoe 1982.
Prochaine édition
Breizh A Gan 2022 : 40vet deiz ha bloaz ar Breizh A Gan !
Ar bloaz-mañ e vo lidet 40vet deiz ha bloaz ar Breizh A Gan e Kastell-Paol ! Evit lidañ an darvoud ispisial-mañ e vo dalc’het ar gouel war 2 zevezh : ar sadorn 03 hag ar sul 04 a viz Kerzu 2022.
Kavout a reoc’h amañ dindan roll ar gouel.
Sadorn 03 a viz Kerzu
Orin ha dazont ar c'han a-gor e brezhoneg - Kastell Kerjean
Ar sadorn 03 a viz Kerzu 2022 e vo aozet un devezh studi war ar c’han a-gor e brezhoneg e Kastell Kerjean, kevelet gant ar CRBC.
An devezh studi a vo rannet e div lodenn. Al lodenn gentañ a vo gouestlet da orinoù ar c’han a-gor e brezhoneg (dre prezegennoù), hag an eil lodenn a vo arbennikaet war dazont an damani sevenadurel-mañ (en un daol grenn savet gant aktourien ar c’han a-gor).
‘Benn nebeut e vo roet deoc’h muioc’h a ditouroù war an dud pedet da gemer perzh en devezh studi !
- Chomlec’h : Hent Kerjean, 29440 Sant-Nouga
- Priz : Digoust, dre virout
- Eurioù : 2e30 g.m/5e30 g.m
- Jaoj : 80 plas
- Enskrivadur : kanompbreizh@kanompbreizh.bzh / 06 32 29 79 29
Pred kanet - Ostaleri Pen Ar Prat
Echuet e vo an devezh e Ostaleri Pen Ar Prat, lusket gant al laz-kanañ Paotred Pagan, renet gant Yann-Ber Premel !
- Chomlec’h : Pen Ar Prat, 29250 Kastell-Paol
- Roll ar meuzioù : Pemoc’h rostet gant avaloù-douar ha legumaj
- Priz : 20€
- Eurioù : 7e g.m
- Jaoj : 130 plas
- Enskrivadur : kanompbreizh@kanompbreizh.bzh / 06 32 29 79 29
Sul 04 a viz Kerzu
D’ar sul 04 a viz Kerzu e vo dalc’het ar sonnadeg e Iliz-Veur Kastell-Paol.
Programmadur
Lodenn gentañ ar sonnadeg :
Evit lidañ an deiz ha bloaz-mañ en un doare dereat en deus bet c’hoant Kanomp Breizh da lakaat ar muiañ posubl a lazoù-kanañ da gemer perzh er sonnadeg. En em strollet eo bet al lazoù-kanañ dre kornad-bro evit kinnig ur roll-kanañ boutin d’an arvesterien !
Eil lodenn ar sonnadeg :
Mouezh Paotred Breizh a zo Kampion Breizh al lazoù-kanañ evit ar 7vet gwech. Anavezet mat evit kalite ho arvestoù, al laz-kanañ a zo savet war stumm al lazoù-kanañ Kembread evit kemer perzh d’an tolpad World Choir e Atlanta, e 1993. Abaoe n’en deus ket disdalc’het Mouezh Paotred Breizh d’e perzhioù mat ha kendalc’h a ra ar strollad da reiñ meur a sonnadegoù bep bloaz, e Breizh, Bro-C’hall hag en Estrenvro.
Bodañ a ra Laz-Kanañ Breizh tro 100 kaner eus 16 laz-kanañ ezel eus ar c’hevread. Dont a reont eus Breizh a-bez, eus Gwitalmeze betek Naoned. Renet eo al laz-kanañ gant Jean-Marie Airault. Savet eo bet evit krouiñ pe krouiñ en-dro oberennoù meur e brezhoneg, heuliet gant ul laz-seniñ.
Ar bloaz-mañ e vo kinniget d’an arvesterin kanaouennoù brudet o tont eus an oratorio Izild A Vreizh kompozet gant Jean-Yves Le Ven ha war komzoù savet gant Jeva Omnès.
- Chomlec’h : Iliz-Veur Kastell-Paol
- Eurioù : 2e30 g.m : Digor an dorioù – 3e g.m : Deroù ar sonnadeg
Mirout plasoù dre linenn :
- Helloasso
- Ticketmaster
- France Billet
- Kanomp Breizh (en adressant un chèque à l’ordre de Kanomp Breizh : cz/ JP Thomin, 200 rue de la Petite Palud – 29800 LANDERNEAU)
Posubl eo prenañ tikiji evit Breizh A Gan e Ofis Touristelezh Kastell-Paol.
kanompbreizh@kanompbreizh.bzh / 06 32 29 79 29
