Kanerien ar Goëlo a zo ul laz-kanañ mesket eus Sant-Ke-Porzh-Olued. Savet e 2008 gant Bernard Schoenhenz, renet eo bremañ gant Rob Mitchell abaoe 2022.
Meur a sonadeg a vez aozet ganto. Darn vrasañ ar ganaouennoù kanet ganto a zo e brezhoneg. Kanaouennoù hengounel pe a vremañ dreist-holl. Kanaouennoù broioù keltiek a vez kavet memestra en o roll-kanañ.
20 kaner a vez strollet el laz-kanañ, dispartiet e 4 pulpitr.
Kanerien ar Goëlo a zo bet Kampion eil rummad Kampionad Breizh al Lazoù-Kanañ e 2017. Kemeret o deus perzh er c’hampionad 1añ rummad e 2018.
Kemeret o deus perzh adarre e Kampionad Breizh al Lazoù-Kanañ eil rummad e 2023 hag aet eo ar maout ganto.
Degemer a ra al laz-kanañ kanerien a bep seurt, brezhonegerien ha tud ne ouezont ket brezhoneg. Sikour a ra ar ganerien da zeskiñ ar ganaouennoù. Ar redi nemetañ a zo kemer plijadur da ganañ.
Dalc’het e vez ar pleustradegoù d’ar meurzh goude-merenn en ti-kêr kozh : 20 Quai de la République 22140 Sant-Ke-Porzh-Olued.