Jean-Yves LE VEN a zo ganet e 1951 e Kemper. Goude ar gitar klasel ha folk, ar gitar-boud, ar rok, an dastumadeg, ar festoù-noz, heuliadenn ar c’helc’hioù keltiek e touezh ar strolladoù Galouperien ha Ferobriz, en em ouestl d’ar c’hompozadur ha d’ar gendoniañ evit al lazoù-kanañ hag al lazoù-binvioù… Skrivet en deus al lodennoù laz-kanañ an arvest AZELIZ IZA krouet gant ar Bagad Kemper e 2000, evit 50^vet ar stummadur.

En 2004, e oratorio kentañ, PINIJENN AR ROUE GRADLON gant ul levrig savet gant Jeva Omnès, a zo bet gevarc’het gant publik Festival Kerne e Kemper. IZILD A VREIZH, e eil oratorio, war mojenn Tristan hag Izeult, savet ivez e Festival Kerne e 2009, en deus gounezet Priz Krouidigezh Kanomp Breizh. Enrollet eo bet e Kreizenn sevenadurel Les Arcs e Kewen, e 2013.

E 2013 c’hoazh, e c’hounez Priz Krouidigezh ar Festival Pan Keltiek Carlow e Iwerzhon.

Ar bloavezhioù o tont a zo bet gouestlet da gendoniañ temoù hengounel breizhad, a oa dreistdirae evit al lazoù-kanañ betek bremañ. Gwir eo dreist-holl evit tonioù an Aven, meulodioù, baleadenn ha dañsoù strollet war ar bladenn BALAVEN, enrollet e Kreizenn Sevenadurel Le Nautile er C’hoad Fouenan e 2016.

Gant NEVEZADUR, oberenn savet evit al lazoù-kanañ hag al lazoù-seniñ o skeudenniñ kelc’hiad ar vareoù-bloaz, e c’hounez adarre e 2016 Priz Krouidigezh Kanomp Breizh.

Kompoziñ a ra e 2018 al lodennoù kanet eus pezh-c’hoari Galnys, skrivet ha leurennet gant Yann-Fulub Dupuy.

E 2021, gant Tanon, Tanie ha Tasie e enor ar C’hoarezed Goadeg, trio c’hoarezed mill brudet eus Kreiz Breizh, en un heuliad laz-kanañ a adkemer 10 meulodioù ha dañsoù ho roll-skridoù.

Ar c’hevredad Kanomp Breizh en deus embannet “Peder Vouezh”, un teskad kanadennoù e kantadenn oberennoù arzel Jean-Yves Le Ven kompozet ha kendoniet evit al lazoù-kanañ.

Ren a ra al laz-kanañ Kanerien Sant Meryn abaoe 2004, ur strollad triugentad kanerien.