Stummadur rener laz-kanañ - rener kordennad
Dalc'het e vo ar stummadur war 5 devezh a-hed ar bloaz e Ti Ar Vro e Karaez.
Deiziadoù kinniget evit 2025 : Ar sadornioù 25 a viz Genver, 29 a viz Meurzh, 24 a viz Mae, 20 a viz Gwengolo ha 22 a viz Du.
Deiziadoù kinniget evit 2025 : Ar sadornioù 25 a viz Genver, 29 a viz Meurzh, 24 a viz Mae, 20 a viz Gwengolo ha 22 a viz Du.
Ar stummerien
Jean-Marie Airault
- Rener Mouezh Paotred Breizh (laz-kanañ bet eizh gwech Kampion Breizh)
- Rener Laz-Kanañ Breizh
Ieva Gravite
- Kelennerezh sonerezh
- Oc'h ober war-dro ar sonerezh
Ur c’helenner teknik ar vouezh a lusko an 3de dervezh stummadur.
An 2 deiz diwezhañ a vo aozet gant ul laz-kanañ pleustriñ.
Roll ar stummadur
Pal ar pemp dervezh a c’hell bezañ spisaet dindan pevar ahel :
- Respont da c'houlennoù, da c'hortadennoù ar stajidi, ar re-se o vezañ renerien kordennad o klask parfetaat, pe koristed a fell dezho ren ur c'hordennad en o laz-kanañ evit eilaat o rener. Kompren pezh a zo klasket gant pep stajiad er stummadur, sikour anezho o peurgargañ un neubeut naouturioù a solfej ha luskellus a vañkfe dezho.
- Reiñ d'ar stajidi diazezoù evit ren ur c'hordennad, sikour anezho dizoloiñ o unan pe deskiñ dezho pezh o d'o ezhomm evit kas en-dro ur strollad "a un vouezh" pe "a-lies mouezh" .
- Degas dezho skiant-prenet ar stummerien da lakaat anezho en em dizoloiñ, kemer fiziañs, dizoloiñ ar re all, deskiñ da selaou ha da vezañ selaouet.
- Degas d'ar stajidi naouturioù teknik war ar vouezh evit tremen e biou fazioù a c'hellfe bezañ gwallus evit ar ganerien renet ganto.
Prizioù
Eñskrivadur
Kargit ar fichenn eñskrivañ ha kasit anezhi en-dro, leuniet, asamblez gant ur chekenn e añv Kanomp Breizh da :
Kanomp Breizh
cz/ Jean-Pierre Thomin
200 ru ar Palud Bihan
29800 Landerne